വിശ്വസിചീടുവാനാവതില്ലാ വാര്ത്ത ഞാന് കേട്ടു തഥാ
ഞെട്ടറ്റു പൊട്ടി വീണു ദുഃഖ സാഗരത്തിലായ്
ശാന്തിയും മനസ്സുഖവും നേടാനായി ഞാനിതാ
ഭൂമിദേവി തന് മടിയില് വീണുരുണ്ടു കരയുന്നു
എന്റെ ഹൃത്തിന് തേങ്ങലുകള് ഏറ്റെടുക്കു ധരണി
നീ
എന് മനസ്സിന് നൊമ്പരങ്ങള് സാന്ത്വനങ്ങളാക്കു
നീ
സൗഹൃദമാം വാക്കുകളും നോട്ടവും പ്രവൃത്തിയും
എന്നുമെന്റെ ജീവിതത്തെ ധന്യമാക്കി സോദരാ
എന്നു നാമിനിയും കാണുമെന്നു നിനച്ചിരിക്കവേ
വിണ്ണിലെ താരങ്ങളൊക്കെ പുഞ്ചിരി പൊഴിചീടുന്നു
ദേവകള് തന് കുടെ നിന്റെ നര്ത്തനം ഞാന്
കാണുന്നു
കണ്കുളിര്ക്കെ കാണുമെന്റെ മാനസം തുടിക്കുന്നു
പൂര്വ്വജന്മ സ്മൃതികളോര്ത്തു നിന് വരവും
കാത്തുഞാന്
നിത്യയൌവ്വനത്തിനായി കെഞ്ചിടുന്നു സത്യമായ്
വേദനയും യാതനയും സഹിക്കുവാന് ശ്രമിക്കുന്നു
സ്വന്തങ്ങളും ബന്ധങ്ങലുമെന്റ ഹൃത്തില്
നിറയുന്നു
അപ്പ്രമേയ സ്നേഹത്തിന്റെ ശാന്തിമന്ത്രം കേട്ടു
ഞാന്
നിന്റെയുള്ളില് തങ്ങി നില്ക്കും മാറ്റൊലിയും
കേട്ടുഞാന്
വിശുദ്ധമായ സ്നേഹത്തിന്റെ ശാന്തിമന്ത്രം കേട്ടു
ഞാന്
വീരനായ നിന്റെ ജന്മം സഫലമായെന്നോര്ത്തു ഞാന്
കുളിരണിയും തെന്നലായ് നീയെന്നരികില് വന്നിടാന്
കാലമെത്ര കഴിയണം സഹോദരാ നീ ചൊല്ലിടൂ
No comments:
Post a Comment