തെച്ചിയും ചെമ്പകവും ജമന്തിയും
മലരിനാല് ഭൂമിയെ ചന്തമാക്കി
മണമേറും മുല്ലപ്പൂചൂടി ദേവി
കാര്കൂന്തലറ്റും മെടഞ്ഞുകെട്ടി
പുഷ്പ്പിണിയായൊരു
ഭൂമിദേവി
നാണമോടെന്
മുന്നില് വന്നനേരം
കരയെ
പുണരുവാനോടിയടുക്കുന്ന
തിരയുടെ
വെമ്പല് ഞാനോര്ത്തുപോയി
സ്വര്ണ്ണനിലാവുമായ് പോന്നിന്ചിങ്ങം
പൊന്നോണപുലരിയെ വരവേറ്റല്ലോ
മാവേലിത്തമ്പുരാന് വാണ നാടി –
ന്നോര്മ്മകള് നമ്മള് പുതുക്കിയല്ലോ
ദേവകന്യകയോ
നീയപ്സരസ്സോ
ആരുനിനക്കീയഴകുനല്കി
ബ്രഹ്മാവിന്
വികൃതിയോ വിശ്വകര്മ്മാവിന്
തകൃതിയോ കേരളശില്പിതന്
കൈപ്പുണ്യമോ
സുന്ദരിപൂവേ ചുവന്നപൂവേ
അത്തം പത്തിനു പോന്നോണമല്ലേ
തൃക്കാക്കരയപ്പനെ വരവേല്ക്കാനായ്
പൂക്കളായോടി നീ വരികയില്ലേ
രമണി
രോഹിണി
No comments:
Post a Comment