ആറു മണിക്കെഴുന്നേറ്റില്ലെന്നാല്പഴി
പറച്ചില് കേള്ക്കാം നാലുപാടും
ഒന്നുമേ കേള്ക്കാതെ വേല ചെയ്യും
കുട്ടികള് മുറവിളി കൂട്ടിയെത്തും
എട്ടുമണിക്കെത്തും മേശയിന്മേല്
ഭര്ത്താവുമമ്മയും കുട്ടികളും
ഭക്ഷണത്തിനു രുചി കുറഞ്ഞാല്
പിന്നേയും ചീത്തവിളി തുടങ്ങും
ഭര്ത്താവിന് ന്യായത്തില് പങ്കുചേരാന്
അമ്മായിയമ്മയും കൂട്ടുകൂടും
കണ്ടില്ല കേട്ടില്ലയെന്നു വച്ചാല്
മിണ്ടാതെ മെല്ലെ പ്പടിയിറങ്ങും
അവളുടെ ദുഖങ്ങളാരറിയാന്
ആരുമില്ലായെന്ന തോന്നല് വന്നു
കണ്ണീര്ക്കയത്തിലായ് മുങ്ങിയവള്
ആര്ത്തുക്കരയുവാന് വെമ്പലോടെ
അയല്ക്കുട്ടങ്ങളിലൊത്തു ചേര്ന്നു
എല്ലാരും ദുഃഖങ്ങള് പങ്കുവെച്ചു
സര്വ്വരും ദുഃഖിതരാണെന്നറിഞ്ഞ
പോളവളുടെ ദുഃഖത്തിനറുതിവന്നു
രമണി
രോഹിണി
No comments:
Post a Comment